தொடர்பான NIHR உலகளாவிய சுகாதார ஆராய்ச்சிக் குழுவின் வேலைவாய்ப்புகள்

யாழ்ப்பாணப் பல்கலைக்கழகம், இலங்கை

டிஜிட்டல் தொற்றுநோயியல் மையம், மருத்துவ பீடம்

இலங்கையில் பெண்கள் மற்றும் சிறுவர்களுக்கு எதிரான வன்முறை தொடர்பான NIHR உலகளாவிய சுகாதார ஆராய்ச்சிக் குழு

ஐக்கிய இராச்சியத்தின் தேசிய சுகாதார மற்றும் பராமரிப்பு ஆராய்ச்சி நிறுவனம் (NIHR) நிதியுதவி வழங்கும், பர்மிங்காம் பல்கலைக்கழகத்துடன் இணைந்து முன்னெடுக்கப்படும் பெண்கள் மற்றும் சிறுவர்களுக்கு எதிரான வன்முறை தொடர்பான NIHR உலகளாவிய சுகாதார ஆராய்ச்சிக் குழுவின் கீழ் பின்வரும் பதவிகளுக்கு விண்ணப்பிக்கத் தகுதியானவர்களிடமிருந்து யாழ்ப்பாணப் பல்கலைக்கழகம் விண்ணப்பங்களைக் கோருகிறது.

• திட்ட அடிப்படையிலான கலாநிதிப் பட்ட ஆய்வாளர்

• தற்காலிக ஆராய்ச்சி ஆய்வாளர்

• தற்காலிக ஆராய்ச்சி ஆய்வாளர் (கொழும்பு நிலையம்)

• தற்காலிக நிதி மற்றும் தளவாட ஒருங்கிணைப்பாளர் (கொழும்பு நிலையம்)

• தற்காலிக நிதி ஒருங்கிணைப்பாளர்

• தற்காலிக தளவாட ஒருங்கிணைப்பாளர்

1. திட்ட அடிப்படையிலான கலாநிதிப் பட்ட ஆய்வாளர் – 01 வெற்றிடம்

தகைமைகள்

• பல்கலைக்கழக மானியங்கள் ஆணைக்குழுவினால் (UGC) அங்கீகரிக்கப்பட்ட பல்கலைக்கழகம் அல்லது அங்கீகாரம் பெற்ற உயர்கல்வி நிறுவனத்திலிருந்து ஏதேனும் ஒரு துறையில் இரண்டாம் வகுப்பு (கீழ்ப் பிரிவு) அல்லது அதற்கு மேற்பட்ட தரத்திலான கௌரவ இளமாணிப் பட்டம் பெற்றிருத்தல் வேண்டும்.

• தொடர்புடைய துறையில் முதுமாணிப் பட்டம் பெற்றிருப்பது மேலதிக தகைமையாகக் கருதப்படும்.

• ஆங்கிலம் மற்றும் தமிழ் மொழிகளில் தேர்ச்சி கட்டாயமாகும். சிங்கள மொழி அறிவு மேலதிக தகைமையாகக் கருதப்படும்.

• பாலின அடிப்படையிலான வன்முறை (GBV) அல்லது அதனுடன் தொடர்புடைய நடவடிக்கைகளில் ஈடுபடும் உள்ளூர் அரச சார்பற்ற நிறுவனங்கள், சமூக அடிப்படையிலான அமைப்புகள் அல்லது நிறுவனங்களுடன் பணியாற்றிய முன் அனுபவம் பெற்றிருப்பது மேலதிக தகைமையாகக் கருதப்படும்.

இப்பதவிக்கான நிபந்தனைகள்

• தெரிவுசெய்யப்படும் விண்ணப்பதாரர், NIHR நிதியுதவி பெறும் ஆராய்ச்சித் திட்டத்துடன் தொடர்புடைய வகையில், பெண்கள் மற்றும் சிறுமிகளுக்கு எதிரான வன்முறை (VAWG) அல்லது அதனுடன் நெருங்கிய தொடர்புடைய துறையில் கலாநிதிப் பட்டப் படிப்பில் பதிவு செய்து அதனைத் தொடர வேண்டும்.

• நிதியுதவி வழங்குநரின் நிபந்தனைகள் மற்றும் பல்கலைக்கழகத்தின் தொடர்புடைய விதிமுறைகளுக்கு அமைவாக, திட்டத்தின் நிதி ஏற்பாடுகளின் ஊடாகக் கலாநிதிப் பட்டப் படிப்புக்கான ஆதரவும் நிதியுதவியும் வழங்கப்படும்.

• கலாநிதிப் பட்டப் படிப்பில் திருப்திகரமான கல்வி முன்னேற்றத்தைப் பேணுதல் மற்றும் திட்டத்தின் தேவைகளுக்கு இணங்கச் செயற்படுதல் ஆகியவற்றின் அடிப்படையிலேயே ஆய்வாளர் நியமனமும் நிதியுதவியும் தொடர்ந்து வழங்கப்படும்.

கடமைகளும் பொறுப்புகளும்

• இவ்வாய்வாளர் நியமனத்தின் முக்கிய அங்கமாக, பெண்கள் மற்றும் சிறுமிகளுக்கு எதிரான வன்முறை (VAWG) தொடர்பில் கலாநிதிப் பட்ட ஆய்வை மேற்கொண்டு, கல்விசார் ஆய்வு முடிவுகள் NIHR திட்டத்தின் நோக்கங்களுடன் இணைந்திருப்பதை உறுதிப்படுத்துதல்.

• VAWG தொடர்பான ஆராய்ச்சி நடவடிக்கைகளுக்கான ஆய்வு நெறிமுறைகள் மற்றும் நிலையான செயற்பாட்டு நடைமுறைகளை (SOPs) உருவாக்குதல், செம்மைப்படுத்துதல் மற்றும் புதுப்பித்தல்.

• நேர்காணல்கள், கவனக்குழுக் கலந்துரையாடல்கள், கணக்கெடுப்புகள் மற்றும் ஏனைய பொருத்தமான முறைகள் மூலம் தரவுகளைச் சேகரிப்பதை உள்ளடக்கிய வகையில், பெண்கள் மற்றும் சிறுவர்களுக்கு எதிரான வன்முறை தொடர்பான பண்புசார் மற்றும் அளவுசார் ஆய்வுகளை வடிவமைத்து மேற்கொள்ளுதல்.

• திட்டத்தின் ஆய்வுமுறைமைக்கு ஏற்ப தரவுச் சேகரிப்புக் கருவிகள் மற்றும் டிஜிட்டல் முறைமைகளை உருவாக்குவதற்கு ஆதரவளித்தல்.

• தரவுகளின் துல்லியம், நெறிமுறை இணக்கம் மற்றும் தரவுப் பாதுகாப்புத் தரநிலைகள் ஆகியவற்றை உறுதிப்படுத்தும் வகையில் தரவுகளைச் சுத்திகரித்தல், முகாமைத்துவம் செய்தல் மற்றும் ஆவணப்படுத்துதல்.

• பொருத்தமான புள்ளிவிபர முறைகளைப் பயன்படுத்தி அளவுசார் தரவுகளையும், கருப்பொருள் பகுப்பாய்வு அல்லது கட்டமைப்புப் பகுப்பாய்வு முறைகளைப் பயன்படுத்திப் பண்புசார் தரவுகளையும் பகுப்பாய்வு செய்தல்.

• தெரிவுசெய்யப்பட்ட ஆய்விடங்களில் திட்ட நடவடிக்கைகளை நடைமுறைப்படுத்துவதில் காணப்படும் குறைபாடுகள், தடைகள் மற்றும் உதவும் காரணிகளை அடையாளம் கண்டு, ஆதாரங்களை அடிப்படையாகக் கொண்ட தீர்வுகளை முன்மொழிதல்.

• ஆய்விடங்களுக்கான விஜயங்களைத் திட்டமிடுதல், சமூகக் குழுக்கள், வன்முறையால் பாதிக்கப்பட்டவர்கள், சேவை வழங்குநர்கள் மற்றும் பங்காளர் நிறுவனங்களுடன் தொடர்புகொள்ளுதல் உள்ளிட்ட கள ஆராய்ச்சி நடவடிக்கைகளை ஒருங்கிணைத்தல்.

• உள்நாட்டுக் கண்காணிப்பு மற்றும் வெளிப்புற அறிக்கையிடலுக்காக முன்னேற்ற அறிக்கைகள், தரவுச் சுருக்கங்கள், வரைபடங்கள், அட்டவணைகள் மற்றும் காட்சிப் பொருட்களைத் தயாரித்தல்.

• திட்டம் மற்றும் நிதியுதவி வழங்குநரின் தேவைகளுக்கு ஏற்ப நெறிமுறை அனுமதி விண்ணப்பங்கள், மானியத் தொடர்பான ஆவணங்கள் மற்றும் அறிக்கையிடல் தேவைகளை நிறைவேற்றுவதற்குப் பங்களித்தல்.

• ஆராய்ச்சியின் பொருத்தத்தையும் தாக்கத்தையும் உறுதிப்படுத்துவதற்காக சுகாதார சேவை வழங்குநர்கள், வன்முறையால் பாதிக்கப்பட்டவர்கள், திட்டப் பங்காளிகள், தொழில்நுட்ப உருவாக்குநர்கள் மற்றும் கொள்கை வகுப்பாளர்களுடன் இணைந்து பணியாற்றுதல்.

• கருத்துக்களைப் பெறுவதற்கும் ஆராய்ச்சி முடிவுகளைப் பகிர்ந்துகொள்வதற்கும் பங்குதாரர் கலந்துரையாடல் கூட்டங்கள், செயலமர்வுகள் மற்றும் முடிவுகளைப் பரப்பும் நிகழ்வுகளை ஏற்பாடு செய்து ஒருங்கிணைத்தல்.

• ஆய்வுக் கட்டுரைகள், தொழில்நுட்ப அறிக்கைகள் மற்றும் கொள்கைச் சுருக்கங்களைத் தயாரித்தல்; சக ஆய்வாளர்களால் மதிப்பாய்வு செய்யப்படும் கல்விசார் வெளியீடுகளுக்குப் பங்களித்தல்.

• பொருத்தமான உள்ளூர், தேசிய மற்றும் சர்வதேச அறிவியல் கூட்டங்கள் மற்றும் மாநாடுகளில் ஆராய்ச்சி முடிவுகளை முன்வைத்தல்.

• ஒப்படைக்கப்பட்ட நடவடிக்கைகளின் முன்னேற்றத்தைக் கண்காணித்து, ஒப்புக்கொள்ளப்பட்ட காலக்கெடுக்கள், இலக்குகள் மற்றும் வழங்கப்பட வேண்டிய முடிவுகள் ஆகியவற்றுக்கு இணங்கச் செயற்படுவதை உறுதிப்படுத்துதல்.

• திட்டத் தலைமைத்துவக் குழு, நாட்டளவிலான தலைவர், ஆராய்ச்சி மேற்பார்வையாளர்கள் மற்றும் நிதியுதவி வழங்கும் நிறுவனங்களுக்கு வழக்கமான முன்னேற்றத் தகவல்களை வழங்குதல்.

• VAWG ஆராய்ச்சித் திட்டத்தை வெற்றிகரமாக நடைமுறைப்படுத்துவதற்கு நாட்டளவிலான தலைவர், ஆய்வாளர்கள் மற்றும் ஆராய்ச்சி மேற்பார்வையாளர்களால் ஒப்படைக்கப்படும் ஏனைய கடமைகளையும் நிறைவேற்றுதல்.

ஊதியம்

• மாதாந்த உதவித்தொகையாக ரூ. 90,000/- வழங்கப்படும்.

2. தற்காலிக ஆராய்ச்சி ஆய்வாளர் – 01 வெற்றிடம்

தகைமைகள்

• பல்கலைக்கழக மானியங்கள் ஆணைக்குழுவினால் (UGC) அங்கீகரிக்கப்பட்ட பல்கலைக்கழகம் அல்லது அங்கீகாரம் பெற்ற உயர்கல்வி நிறுவனத்திலிருந்து ஏதேனும் ஒரு துறையில் இரண்டாம் வகுப்பு (கீழ்ப் பிரிவு) அல்லது அதற்கு மேற்பட்ட தரத்திலான இளமாணிப் பட்டம் பெற்றிருத்தல் வேண்டும்.

• தொடர்புடைய துறையில் முதுமாணிப் பட்டம் பெற்றிருப்பது மேலதிக தகைமையாகக் கருதப்படும்.

• பாலின அடிப்படையிலான வன்முறை (GBV) அல்லது அதனுடன் தொடர்புடைய நடவடிக்கைகளில் ஈடுபடும் உள்ளூர் அரச சார்பற்ற நிறுவனங்கள், சமூக அடிப்படையிலான அமைப்புகள் அல்லது நிறுவனங்களுடன் பணியாற்றிய முன் அனுபவம் பெற்றிருப்பது மேலதிக தகைமையாகக் கருதப்படும்.

கடமைகளும் பொறுப்புகளும்

• பெண்கள் மற்றும் சிறுவர்களுக்கு எதிரான வன்முறை (VAWC) தொடர்பான ஆராய்ச்சி நடவடிக்கைகளுக்கான ஆய்வு நெறிமுறைகள் மற்றும் நிலையான செயற்பாட்டு நடைமுறைகளை (SOPs) உருவாக்குதல், செம்மைப்படுத்துதல் மற்றும் புதுப்பித்தல்.

• பெண்கள் மற்றும் சிறுவர்களுக்கு எதிரான வன்முறையை மையமாகக் கொண்ட பண்புசார் மற்றும் அளவுசார் ஆய்வுகளை வடிவமைத்து மேற்கொள்ளுதல். இதில் தரவுச் சேகரிப்பு, நேர்காணல்கள், கவனக்குழுக் கலந்துரையாடல்கள் மற்றும் கணக்கெடுப்புகள் ஆகியவை அடங்கும்.

• திட்டத்தின் ஆய்வுமுறைமைக்கு ஏற்ப தரவுச் சேகரிப்புக் கருவிகள் மற்றும் டிஜிட்டல் முறைமைகளை உருவாக்குவதற்கு ஆதரவளித்தல்.

• தரவுகளின் துல்லியம் மற்றும் தரவுப் பாதுகாப்புத் தேவைகளுக்கு இணக்கமான தன்மையை உறுதிப்படுத்தும் வகையில் தரவுகளைச் சுத்திகரித்தல், முகாமைத்துவம் செய்தல் மற்றும் ஆவணப்படுத்துதல்.

• பொருத்தமான புள்ளிவிபர முறைகளைப் பயன்படுத்தி அளவுசார் தரவுகளையும், கருப்பொருள் அல்லது கட்டமைப்புப் பகுப்பாய்வு முறைகளைப் பயன்படுத்திப் பண்புசார் தரவுகளையும் பகுப்பாய்வு செய்தல்.

• தெரிவுசெய்யப்பட்ட ஆய்விடங்களில் திட்டத்தை நடைமுறைப்படுத்துவதில் காணப்படும் குறைபாடுகள், தடைகள் மற்றும் உதவும் காரணிகளை அடையாளம் கண்டு, ஆதாரங்களை அடிப்படையாகக் கொண்ட தீர்வுகளை முன்மொழிதல்.

• தரவுச் சேகரிப்பு விஜயங்களைத் திட்டமிடுதல், சமூகக் குழுக்களுடன் தொடர்புகொள்ளுதல் மற்றும் பங்காளர் நிறுவனங்களுக்கு ஆதரவளித்தல் உள்ளிட்ட கள நடவடிக்கைகளை ஒருங்கிணைத்தல்.

• உள்நாட்டு மற்றும் வெளிப்புற அறிக்கையிடலுக்காக விரிவான முன்னேற்ற அறிக்கைகள், தரவுச் சுருக்கங்கள், வரைபடங்கள், அட்டவணைகள் மற்றும் காட்சியுதவிப் பொருட்களைத் தயாரித்தல்.

• மானிய விண்ணப்பங்களைத் தயாரித்தல், நெறிமுறை அனுமதிகளைப் பெறுதல் மற்றும் திட்ட ஆவணங்களைத் தயாரித்தல் ஆகியவற்றுக்குப் பங்களித்தல்.

• ஆராய்ச்சி சூழலுக்கு ஏற்றதாகவும் நடைமுறையில் பயன்படுத்தக்கூடியதாகவும் இருப்பதை உறுதிப்படுத்துவதற்காக சுகாதார சேவை வழங்குநர்கள், வன்முறையால் பாதிக்கப்பட்டவர்கள், திட்டப் பங்காளிகள், தொழில்நுட்ப உருவாக்குநர்கள் மற்றும் கொள்கை வகுப்பாளர்களுடன் இணைந்து பணியாற்றுதல்.

• கருத்துக்களைப் பெறுவதற்கும் திட்டத்தின் கண்டறிதல்களைப் பகிர்ந்துகொள்வதற்கும் பங்குதாரர் கூட்டங்கள், செயலமர்வுகள் மற்றும் முடிவுகளைப் பரப்பும் நிகழ்வுகளை ஏற்பாடு செய்து ஒருங்கிணைத்தல்.

• ஆய்வுக் கட்டுரைகள், தொழில்நுட்ப அறிக்கைகள் மற்றும் கொள்கைச் சுருக்கங்களைத் தயாரித்தல்; கல்விசார் வெளியீடுகளுக்குப் பங்களித்தல்.

• உள்ளூர், தேசிய மற்றும் சர்வதேச அறிவியல் கூட்டங்கள் மற்றும் மாநாடுகளில் ஆராய்ச்சி முடிவுகளை முன்வைத்தல்.

• திட்டத்தின் முன்னேற்றத்தைக் கண்காணித்து, காலக்கெடுக்கள், இலக்குகள் மற்றும் அறிக்கையிடல் தேவைகளுக்கு இணங்கச் செயற்படுவதை உறுதிப்படுத்துதல்.

• திட்டத் தலைமைத்துவக் குழு மற்றும் நிதியுதவி வழங்கும் நிறுவனங்களுக்கு வழக்கமான முன்னேற்றத் தகவல்களை வழங்குதல்.

• VAWC ஆராய்ச்சித் திட்டத்தை வெற்றிகரமாக நடைமுறைப்படுத்துவதற்காக நாட்டளவிலான தலைவர் மற்றும் திட்ட ஆய்வாளர்களால் ஒப்படைக்கப்படும் ஏனைய கடமைகளையும் நிறைவேற்றுதல்.

ஊதியம்

• மாதாந்தச் சம்பளமாக ரூ. 80,000/- வழங்கப்படும்.

3. தற்காலிக ஆராய்ச்சி ஆய்வாளர் (கொழும்பு நிலையம்) – 01 வெற்றிடம்

தகைமைகள் மற்றும் நிபந்தனைகள்

• தகைமைகள், கடமைகள், பொறுப்புகள் மற்றும் ஊதியம் ஆகியவை மேலே குறிப்பிடப்பட்டுள்ள 02ஆம் இலக்க தற்காலிக ஆராய்ச்சி ஆய்வாளர் பதவிக்கானவற்றுக்கு இணையானவையாகும்.

• சிங்களம், தமிழ் மற்றும் ஆங்கிலம் ஆகிய மூன்று மொழிகளிலும் தொடர்பாடும் திறன் அவசியமாகும்.

• விண்ணப்பதாரர்கள் கொழும்பில் வசிப்பவர்களாக இருப்பது அல்லது மேல் மாகாணத்தில் பணியாற்றுவதற்குத் தயாராக இருப்பது விரும்பத்தக்கது.

4. தற்காலிக தளவாட மற்றும் நிதி ஒருங்கிணைப்பாளர் (கொழும்பு நிலையம்) – 01 வெற்றிடம்

தகைமைகள்

• பல்கலைக்கழக மானியங்கள் ஆணைக்குழுவினால் (UGC) அங்கீகரிக்கப்பட்ட பல்கலைக்கழகம் அல்லது அங்கீகரிக்கப்பட்ட உயர்கல்வி நிறுவனத்திலிருந்து முகாமைத்துவம், வர்த்தகம், வணிக நிர்வாகம் அல்லது அதற்குச் சமமான துறையில் இளமாணிப் பட்டம் பெற்றிருத்தல் வேண்டும்.

• குறிப்பாக ஆராய்ச்சித் திட்டங்களில் நிதி முகாமைத்துவம், திட்ட ஒருங்கிணைப்பு, கொள்வனவு மற்றும் தளவாட முகாமைத்துவம் தொடர்பான முன் அனுபவம் பெற்றிருப்பது மேலதிக தகைமையாகக் கருதப்படும்.

• விண்ணப்பதாரர்கள் கொழும்பில் வசிப்பவர்களாக இருப்பது அல்லது மேல் மாகாணத்தில் பணியாற்றுவதற்குத் தயாராக இருப்பது விரும்பத்தக்கது.

• சிங்களம், தமிழ் மற்றும் ஆங்கிலம் ஆகிய மூன்று மொழிகளிலும் தொடர்பாடும் திறன் அவசியமாகும்.

கடமைகளும் பொறுப்புகளும்

• வரவு செலவுத் திட்டம் மற்றும் நிதி ஒழுங்குவிதிகளுக்கு இணங்கச் செயற்படுவதை உறுதிப்படுத்தி, திட்டத்தின் நிதி நடவடிக்கைகளை மேற்பார்வை செய்தல்.

• துல்லியமான நிதிப் பதிவுகளைப் பராமரித்தல்; அறிக்கைகள், நிதிநிலை அறிக்கைகள் மற்றும் ஆவணங்களைத் தயாரிப்பதற்கு உதவுதல்.

• நிறுவனக் கொள்கைகளுக்கு அமைவாகக் கொடுப்பனவுகள், செலவுத் திருப்பிச் செலுத்தல்கள் மற்றும் நிதிப் பரிவர்த்தனைகளைச் செயற்படுத்துதல்.

• வரவு செலவுத் திட்டத் தயாரிப்பு, எதிர்வுகூறல் மற்றும் நிதித் திட்டமிடல் நடவடிக்கைகளுக்கு ஆதரவளித்தல்.

• தரவுச் சேகரிப்பு, பயிற்சி அமர்வுகள், செயலமர்வுகள் மற்றும் கள நடவடிக்கைகள் உள்ளிட்ட திட்டச் செயற்பாடுகளுக்கான தளவாட ஏற்பாடுகளை ஒருங்கிணைத்தல்.

• கொள்வனவு நடைமுறைகள், இருப்புப் பொருட்கள் மற்றும் பொருட்கள் மற்றும் உபகரணங்களின் விநியோகத்தை முகாமைத்துவம் செய்தல்.

• திட்ட நடவடிக்கைகளுக்கான பயணம், தங்குமிடம் மற்றும் நிகழ்விட ஏற்பாடுகளைச் செய்தல்.

• கொள்வனவு மற்றும் தளவாட நடவடிக்கைகள் தொடர்பான ஆவணங்களை முறையாகப் பராமரித்தல்.

• திட்டக் குழுவுடனான கூட்டங்களை ஒருங்கிணைத்தல்; கூட்ட நேரங்களைத் திட்டமிடுதல், நிகழ்ச்சி நிரல்களைத் தயாரித்தல் மற்றும் கூட்டத்திற்குப் பிந்தைய நடவடிக்கைகளை மேற்கொள்ளுதல்.

• செயற்பாட்டு ரீதியான சவால்களைத் தீர்ப்பதற்காகப் பல்துறை சார்ந்த குழுக்களுடன் இணைந்து பணியாற்றுதல்.

• காலமுறைப்படி நிதி மற்றும் செயற்பாட்டு அறிக்கைகளைத் தயாரித்தல்.

• VAWG ஆராய்ச்சித் திட்டத்தை வெற்றிகரமாக நடைமுறைப்படுத்துவதற்காக நாட்டளவிலான தலைவர் மற்றும் ஆய்வாளர்களால் ஒப்படைக்கப்படும் ஏனைய கடமைகளையும் நிறைவேற்றுதல்.

ஊதியம்

• மாதாந்தச் சம்பளமாக ரூ. 70,000/- வழங்கப்படும்.

5. தற்காலிக நிதி ஒருங்கிணைப்பாளர் – 01 வெற்றிடம்

தகைமைகள்

• பல்கலைக்கழக மானியங்கள் ஆணைக்குழுவினால் (UGC) அங்கீகரிக்கப்பட்ட பல்கலைக்கழகம் அல்லது அங்கீகரிக்கப்பட்ட உயர்கல்வி நிறுவனத்திலிருந்து முகாமைத்துவம், வர்த்தகம், வணிக நிர்வாகம் அல்லது அதற்குச் சமமான துறையில் இளமாணிப் பட்டம் பெற்றிருத்தல் வேண்டும்.

• ஆராய்ச்சித் திட்டங்கள் அல்லது அதற்கு ஒத்த சூழல்களில் நிதி முகாமைத்துவம் தொடர்பான முன் அனுபவம் பெற்றவர்களுக்கு முன்னுரிமை வழங்கப்படும்.

கடமைகளும் பொறுப்புகளும்

• வரவு செலவுத் திட்ட வழிகாட்டுதல்கள் மற்றும் நிதி ஒழுங்குவிதிகளுக்கு இணங்கச் செயற்படுவதை உறுதிப்படுத்தி, திட்டத்தின் நிதி நடவடிக்கைகளை முகாமைத்துவம் செய்து கண்காணித்தல்.

• கணக்காய்வு மற்றும் மீளாய்வு நோக்கங்களுக்கான நிதி அறிக்கைகள், நிதிநிலை அறிக்கைகள் மற்றும் ஆவணங்களைத் தயாரித்துப் பராமரிப்பதற்கு உதவுதல்.

• நிறுவனக் கொள்கைகளுக்கு அமைவாகக் கொடுப்பனவுகள், செலவுத் திருப்பிச் செலுத்தல்கள் மற்றும் நிதிப் பரிவர்த்தனைகளைச் செயற்படுத்துதல்.

• செலவுகளைக் கண்காணித்தல், துல்லியமான நிதிப் பதிவுகளைப் பராமரித்தல் மற்றும் திட்ட நிதி முறையாக ஒதுக்கப்படுவதை உறுதிப்படுத்துதல்.

• வரவு செலவுத் திட்டத் தயாரிப்பு, எதிர்வுகூறல் மற்றும் நிதித் திட்டமிடல் நடவடிக்கைகளுக்கு உதவுதல்.

• நிதிக் கொள்கைகள், மானிய நிபந்தனைகள் மற்றும் நிதியுதவி வழங்குநரின் ஒழுங்குவிதிகள் ஆகியவற்றுக்கு இணங்கச் செயற்படுவதை உறுதிப்படுத்துதல்.

• கொள்வனவு நடவடிக்கைகளுக்கு ஆதரவளித்தல்.

• பங்குதாரர்கள் மற்றும் நிதியுதவி வழங்கும் நிறுவனங்களுக்காகக் காலமுறைப்படி நிதிச் சுருக்கங்களையும் அறிக்கைகளையும் தயாரித்தல்.

• VAWG ஆராய்ச்சித் திட்டத்தை வெற்றிகரமாக நடைமுறைப்படுத்துவதற்காக நாட்டளவிலான தலைவர் அல்லது ஆய்வாளர்களால் ஒப்படைக்கப்படும் ஏனைய கடமைகளையும் நிறைவேற்றுதல்.

ஊதியம்

• மாதாந்தச் சம்பளமாக ரூ. 70,000/- வழங்கப்படும்.

6. தற்காலிக தளவாட ஒருங்கிணைப்பாளர் – 01 வெற்றிடம்

தகைமைகள்

• பல்கலைக்கழக மானியங்கள் ஆணைக்குழுவினால் (UGC) அங்கீகரிக்கப்பட்ட பல்கலைக்கழகம் அல்லது அங்கீகாரம் பெற்ற உயர்கல்வி நிறுவனத்திலிருந்து ஏதேனும் ஒரு துறையில் இளமாணிப் பட்டம் பெற்றிருத்தல் வேண்டும்.

• ஆராய்ச்சித் திட்டங்கள் அல்லது அதற்கு ஒத்த சூழல்களில் திட்ட ஒருங்கிணைப்பு மற்றும் தளவாட முகாமைத்துவம் தொடர்பான முன் அனுபவம் பெற்றவர்களுக்கு முன்னுரிமை வழங்கப்படும்.

கடமைகளும் பொறுப்புகளும்

• தரவுச் சேகரிப்பு, பயிற்சி அமர்வுகள், செயலமர்வுகள் மற்றும் பங்குதாரர் கூட்டங்கள் உள்ளிட்ட திட்ட நடவடிக்கைகளுக்கான தளவாட ஏற்பாடுகளை ஒருங்கிணைத்தல்.

• ஆய்வு தொடர்பான பொருட்கள் மற்றும் உபகரணங்களின் கொள்வனவு, இருப்புப் பராமரிப்பு மற்றும் விநியோகத்தை முகாமைத்துவம் செய்தல்.

• சீரான தளவாடச் செயற்பாடுகளை உறுதிப்படுத்துவதற்காக விற்பனையாளர்கள், விநியோகஸ்தர்கள் மற்றும் சேவை வழங்குநர்களுடன் தொடர்புகொள்ளுதல்.

• ஆய்வு நெறிமுறைகள் மற்றும் நிதியுதவி வழிகாட்டுதல்களுக்கு இணங்க, கொள்வனவு, இருப்புப் பொருட்கள் மற்றும் தளவாட நடவடிக்கைகள் தொடர்பான துல்லியமான பதிவுகளைப் பராமரித்தல்.

• ஆய்வுக் குழு உறுப்பினர்கள், ஆராய்ச்சியாளர்கள் மற்றும் பங்கேற்பாளர்களுக்கான நிகழ்விட ஏற்பாடுகள், பயணம் மற்றும் தங்குமிட வசதிகளை ஒழுங்குபடுத்துதல்.

• கூட்டங்களுக்கான நேரங்களைத் திட்டமிடுதல், நிகழ்ச்சி நிரல்களைத் தயாரித்தல் மற்றும் தேவையான வளங்கள் கிடைப்பதை உறுதிப்படுத்துதல் உள்ளிட்ட கூட்ட ஏற்பாடுகளை மேற்கொள்ளுதல்.

• கொள்வனவு மற்றும் தளவாட முகாமைத்துவம் தொடர்பான நிறுவன மற்றும் நிதியுதவி வழங்குநரின் வழிகாட்டுதல்களுக்கு இணங்கச் செயற்படுவதை உறுதிப்படுத்துதல்.

• தளவாடச் சவால்களைத் தீர்ப்பதற்காக சுகாதாரத் துறை நிபுணர்கள் மற்றும் ஆராய்ச்சியாளர்கள் உள்ளிட்ட பல்துறை சார்ந்த குழுக்களுடன் இணைந்து பணியாற்றுதல்.

• தளவாட நடவடிக்கைகள் தொடர்பான வழக்கமான அறிக்கைகளையும் முன்னேற்றத் தகவல்களையும் திட்டக் குழுவிற்கு வழங்குதல்.

• VAWG ஆராய்ச்சித் திட்டத்தை வெற்றிகரமாக நடைமுறைப்படுத்துவதற்காக நாட்டளவிலான தலைவர் மற்றும் ஆய்வாளர்களால் ஒப்படைக்கப்படும் ஏனைய கடமைகளையும் நிறைவேற்றுதல்.

ஊதியம்

• மாதாந்தச் சம்பளமாக ரூ. 70,000/- வழங்கப்படும்.

அனைத்து பதவிகளுக்கும் பொருந்தும் பொதுவான நிபந்தனைகள்

• அனைத்து விண்ணப்பதாரர்களும் இலங்கையின் எந்தப் பகுதியிலும் பணியாற்றுவதற்கான திறனையும் விருப்பத்தையும் கொண்டிருத்தல் வேண்டும்.

• தெரிவுசெய்யப்படும் விண்ணப்பதாரர் யாழ்ப்பாணப் பல்கலைக்கழகத்தினால் ஒரு வருட காலத்திற்கு முழுநேர அடிப்படையில் நியமிக்கப்படுவார். திட்டத்தின் மொத்தக் காலம் நான்கு வருடங்களாகும். பணித்திறன் மற்றும் திட்டத் தேவைகளின் அடிப்படையில் நியமனம் ஒவ்வொரு வருடமும் புதுப்பிக்கப்படலாம்.

• விண்ணப்பதாரர்கள் இலங்கைப் பிரஜைகளாக இருத்தல் வேண்டும்.

• விண்ணப்பதாரர்களின் வயது 25 முதல் 45 வயதுக்குள் இருத்தல் வேண்டும்.

• தெரிவுசெய்யப்படும் விண்ணப்பதாரர்கள் ஊழியர் சேமலாப நிதியத்திற்கும் (EPF) ஊழியர் நம்பிக்கை நிதியத்திற்கும் (ETF) பங்களிப்புச் செய்ய வேண்டும். ஊழியர் தனது மாதாந்தச் சம்பளத்தில் 8% ஐ EPF இற்குப் பங்களிக்க வேண்டும். அதேவேளை, பணியமர்த்துநர் EPF இற்கு 12% மற்றும் ETF இற்கு 3% பங்களிப்புச் செய்வார்.

விண்ணப்பக் கட்டணம்

திருப்பிச் செலுத்தப்படாத ரூ. 100.00 விண்ணப்பக் கட்டணத்தை மக்கள் வங்கியில் (People’s Bank) வங்கிப் பண வைப்பின் மூலம் பின்வரும் கணக்கில் செலுத்த வேண்டும்.

• கணக்கு / குறிப்பு இலக்கம்: 3267501300900381

• கணக்கின் பெயர்: யாழ்ப்பாணப் பல்கலைக்கழகத்தின் நிதியாளர் (Bursar, University of Jaffna)

வங்கியில் பணம் வைப்புச் செய்ததற்கான பற்றுச்சீட்டின் பிரதியை விண்ணப்பத்துடன் இணைத்தல் வேண்டும்.

விண்ணப்பக் கட்டணம் செலுத்துவதற்கான விரிவான வழிகாட்டுதல்களைப் பார்வையிட இங்கே சொடுக்கவும்

விண்ணப்பங்களைச் சமர்ப்பித்தல்

முறையாகப் பூர்த்தி செய்யப்பட்ட விண்ணப்பங்களுடன் கல்விச் சான்றிதழ்களின் சான்றளிக்கப்பட்ட பிரதிகளையும், தகைமைகள் மற்றும் அனுபவங்களை உறுதிப்படுத்தும் ஏனைய தொடர்புடைய ஆவணங்களையும் இணைத்து, 2026 ஜூன் 26ஆம் திகதி அல்லது அதற்கு முன்னர் பின்வரும் முகவரிக்குச் சமர்ப்பிக்க வேண்டும்.

பிரதி பதிவாளர்,
மருத்துவ பீடம்,
யாழ்ப்பாணப் பல்கலைக்கழகம்,
ஆடியபாதம் வீதி,
கொக்குவில், யாழ்ப்பாணம்.

மேலும், விண்ணப்பதாரர்கள் வழங்கப்பட்டுள்ள Google படிவத்தின் ஊடாகவும் தமது விவரங்களைப் பூர்த்தி செய்ய வேண்டும்.

Google விண்ணப்பப் படிவத்தைப் பூர்த்தி செய்ய இங்கே சொடுக்கவும்

பல்கலைக்கழகக் கட்டமைப்பு, அரச திணைக்களங்கள், கூட்டுத்தாபனங்கள் மற்றும் சட்டரீதியான சபைகளில் பணியாற்றும் விண்ணப்பதாரர்கள் தமது விண்ணப்பங்களை உரிய நிறுவனங்களின் தலைவர்கள் ஊடாகச் சமர்ப்பிக்க வேண்டும்.

விண்ணப்பப் படிவத்தைப் பதிவிறக்குதல்

விண்ணப்பப் படிவத்தைப் பதிவிறக்க இங்கே சொடுக்கவும்

ஒன்றுக்கு மேற்பட்ட பதவிகளுக்கு விண்ணப்பிக்கும் விண்ணப்பதாரர்கள், ஒவ்வொரு பதவிக்கும் தனித்தனியான விண்ணப்பத்தையும் தனித்தனி வங்கிப் பற்றுச்சீட்டையும் சமர்ப்பிப்பதுடன், ஒவ்வொரு பதவிக்கும் உரிய தனித்தனி Google படிவத்தையும் பூர்த்தி செய்ய வேண்டும்.

வாசிக்க முடியாத விண்ணப்பங்கள், முழுமையற்ற விண்ணப்பங்கள் மற்றும் விண்ணப்ப முடிவுத் திகதிக்குப் பின்னர் கிடைக்கும் விண்ணப்பங்கள் எவ்வித அறிவித்தலும் இன்றி நிராகரிக்கப்படும்.

விண்ணப்பிக்கும் பதவியின் பெயர், கடித உறையின் மேல் இடது மூலையில் குறிப்பிடப்பட வேண்டும்.

நேர்முகத் தேர்வுக்கு குறுகிய பட்டியலில் தெரிவுசெய்யப்படும் விண்ணப்பதாரர்கள் மட்டுமே அழைக்கப்படுவர். நேர்முகத் தேர்வுக்கான திகதி தகுதியான விண்ணப்பதாரர்களுக்கு மின்னஞ்சல் மூலம் அறிவிக்கப்படும்.

பதிவாளர்
யாழ்ப்பாணப் பல்கலைக்கழகம்