அளவுசார் ஆய்வுக்கான தற்காலிக தரவுச் சேகரிப்பாளர்களுக்கான வெற்றிடம்

டிஜிட்டல் தொற்றுநோயியல் மையம், மருத்துவ பீடம், யாழ்ப்பாணப் பல்கலைக்கழகம்

அளவுசார் ஆய்வுக்கான தற்காலிக தரவுச் சேகரிப்பாளர்களுக்கான வெற்றிடம்

DIGIPATHS ஆய்வு: இலங்கையின் ஆரம்ப சுகாதாரப் பராமரிப்பில் பல நீண்டகால நோய்நிலைகளை முகாமைத்துவம் செய்வதற்கான டிஜிட்டல் ஒருங்கிணைந்த பராமரிப்புப் பாதைகள்

ஐக்கிய இராச்சியத்தின் தேசிய சுகாதார மற்றும் பராமரிப்பு ஆராய்ச்சி நிறுவனம் (NIHR) நிதியுதவி வழங்கும் இவ்வாய்வு, பர்மிங்காம் பல்கலைக்கழகத்துடன் இணைந்து யாழ்ப்பாணப் பல்கலைக்கழகத்தினால் முன்னெடுக்கப்படுகிறது.

வெற்றிடங்கள் – 06 பதவிகள்

தகைமைகள்

• க.பொ.த. உயர்தரப் பரீட்சையில் (பொது அறிவுப் பொதுப் பாடத்தைத் தவிர) ஒரே தடவையில் அனைத்துப் பாடங்களிலும் சித்தியடைந்திருக்க வேண்டும்.

• சுகாதாரம் தொடர்பான திட்டங்களில் ஆராய்ச்சித் தரவுச் சேகரிப்பு அல்லது தரவுப் பதிவிடுதல் தொடர்பான முன் அனுபவம் பெற்றிருப்பது மேலதிக தகைமையாகக் கருதப்படும்.

கடமைகளும் பொறுப்புகளும்

• அங்கீகரிக்கப்பட்ட ஆய்வு நெறிமுறைகளுக்கு அமைவாக, ஆய்வில் பங்கேற்பவர்களின் மக்கள்தொகை சார்ந்த, மருத்துவம் சார்ந்த மற்றும் நிர்வாகம் சார்ந்த தரவுகளை ஆராய்ச்சிக்கான மின்னணு சுகாதாரப் பதிவேட்டு (EHR) முறைமையில் துல்லியமாகவும் உரிய நேரத்திலும் பதிவுசெய்தல்.

• மருத்துவப் பதிவுகள், நோயாளர் விவர அறிக்கைப் படிவங்கள் மற்றும் ஆய்வுகூட அறிக்கைகள் உள்ளிட்ட மூல ஆவணங்களில் பதிவுசெய்யப்பட்டுள்ள தகவல்களைப் பிரதிபலிக்கும் வகையில், பதிவுசெய்யப்படும் அனைத்துத் தரவுகளின் துல்லியத்தையும் உறுதிப்படுத்துதல்.

• ஆராய்ச்சித் தரவுகளின் முழுமை, துல்லியம் மற்றும் சீரான தன்மையை உறுதிப்படுத்துவதற்காக மூல ஆவணங்களையும் மின்னணுப் பதிவுகளையும் மீளாய்வு செய்தல்.

• கையால் எழுதப்பட்ட மருத்துவக் குறிப்புகள், ஆய்வுப் படிவங்கள் அல்லது வாய்மொழியாகக் கூறப்படும் தகவல்களை ஆராய்ச்சிக்கான மின்னணு சுகாதாரப் பதிவேட்டு முறைமையில் கட்டமைக்கப்பட்ட டிஜிட்டல் வடிவங்களுக்கு மாற்றிப் பதிவுசெய்தல்.

• பொருத்தமான சந்தர்ப்பங்களில், தரவுப் பதிவுக்கான தரப்படுத்தப்பட்ட நடைமுறைகளையும் தொடர்புடைய மருத்துவ அல்லது ஆராய்ச்சிக் குறியீட்டு முறைமைகளையும் பயன்படுத்துதல்.

• அங்கீகரிக்கப்பட்ட நெறிமுறை வழிகாட்டுதல்கள், ஆய்வு நெறிமுறைகள் மற்றும் நிறுவனக் கொள்கைகளுக்கு அமைவாகத் தரவுச் சேகரிப்பும் ஆவணப்படுத்தலும் மேற்கொள்ளப்படுவதை உறுதிப்படுத்துதல்.

• நெறிமுறை அனுமதிகள் மற்றும் நடைமுறையிலுள்ள தரவுப் பாதுகாப்பு மற்றும் தனியுரிமை விதிமுறைகளுக்கு இணங்க, நோயாளிகள் மற்றும் ஆராய்ச்சித் தரவுகளின் இரகசியத்தன்மையையும் பாதுகாப்பான கையாளுதலையும் கண்டிப்பாகப் பேணுதல்.

• தேவையான சந்தர்ப்பங்களில், விடுபட்ட அல்லது தெளிவற்ற தகவல்களை உறுதிப்படுத்துவதற்காக மருத்துவர்கள், தாதியர்கள், மருந்தாளர்கள், ஆய்வுகூடப் பணியாளர்கள் மற்றும் தொடர்புடைய ஏனைய பணியாளர்களுடன் தொடர்புகொள்ளுதல்.

• தேவைப்படும் சந்தர்ப்பங்களில் மின்னணு ஆராய்ச்சிப் பதிவுகளைத் திறமையாக மீட்டெடுப்பதற்கு உதவி வழங்குவதன் மூலம் ஆய்வுக் குழுக்களுக்கு ஆதரவளித்தல்.

• தேவைக்கேற்ப, குறிப்பிட்ட ஆய்வு மற்றும் மின்னணு சுகாதாரப் பதிவேட்டு முறைமை தொடர்பான பயிற்சிகளில் பங்கேற்றல்.

• ஆராய்ச்சித் திட்டத்தின் தேவைக்கேற்ப கள ஆய்விடங்களுக்குப் பயணம் செய்தல்.

• திட்டத்தின் நாட்டளவிலான தலைவரால் (Country Lead) ஒப்படைக்கப்படும் தொடர்புடைய பணிகளை நிறைவேற்றுதல்.

ஊதியம்

• மாதாந்தச் சம்பளமாக ரூ. 50,000/- வழங்கப்படும்.

மேற்குறிப்பிட்ட பதவிகளுக்கான பொதுவான நிபந்தனைகள்

• இலங்கையின் எந்தப் பகுதியிலும் பணியாற்றுவதற்கான திறனும் விருப்பமும் இருத்தல் வேண்டும்.

• தெரிவுசெய்யப்படும் விண்ணப்பதாரர் ஒரு வருட காலத்திற்கு முழுநேர அடிப்படையில் நியமிக்கப்படுவார். இத்திட்டத்தின் மொத்தக் காலம் நான்கு வருடங்களாகும். பணித்திறன் மற்றும் திட்டத்தின் தேவைகள் ஆகியவற்றின் அடிப்படையில் நியமனம் ஒவ்வொரு வருடமும் புதுப்பிக்கப்படலாம்.

• விண்ணப்பதாரர்கள் இலங்கைப் பிரஜைகளாக இருத்தல் வேண்டும்.

• விண்ணப்பதாரர்களின் வயது 25 முதல் 45 வயதுக்குள் இருத்தல் வேண்டும்.

• தெரிவுசெய்யப்படும் விண்ணப்பதாரர் ஊழியர் சேமலாப நிதியத்திற்கும் (EPF) ஊழியர் நம்பிக்கை நிதியத்திற்கும் (ETF) பங்களிப்புச் செய்ய வேண்டும். ஊழியர் தனது மாதாந்தச் சம்பளத்தில் 8% ஐ EPF இற்குப் பங்களிக்க வேண்டும். அதேவேளை, பணியமர்த்துநர் EPF இற்கு 12% மற்றும் ETF இற்கு 3% பங்களிப்புச் செய்வார்.

விண்ணப்பக் கட்டணம்

திருப்பிச் செலுத்தப்படாத ரூ. 100.00 விண்ணப்பக் கட்டணத்தை மக்கள் வங்கியில் (People’s Bank) வங்கிப் பண வைப்பின் மூலம் பின்வரும் கணக்கில் செலுத்த வேண்டும்:

• கணக்கு இலக்கம்: 970000090000387

• கணக்கின் பெயர்: யாழ்ப்பாணப் பல்கலைக்கழகத்தின் நிதியாளர் (Bursar, University of Jaffna)

வங்கியில் பணம் செலுத்தியதற்கான பற்றுச்சீட்டின் பிரதியை விண்ணப்பத்துடன் இணைத்தல் வேண்டும்.

விண்ணப்பப் படிவத்தைப் பதிவிறக்குதல்

விண்ணப்பப் படிவத்தைப் பதிவிறக்க இங்கே சொடுக்கவும்

விண்ணப்பங்களைச் சமர்ப்பிக்கும் முறை

கல்விச் சான்றிதழ்கள் மற்றும் தகைமைகள், அனுபவங்களை உறுதிப்படுத்தும் ஏனைய தொடர்புடைய சான்றிதழ்களின் பிரதிகளுடன் விண்ணப்பங்களைப் பதிவுத் தபால் மூலம் பின்வரும் முகவரிக்கு அனுப்ப வேண்டும்:

பிரதி பதிவாளர்,
மருத்துவ பீடம்,
யாழ்ப்பாணப் பல்கலைக்கழகம்,
ஆடியபாதம் வீதி,
கொக்குவில், யாழ்ப்பாணம்.

அனைத்து ஆவணங்களினதும் ஸ்கேன் செய்யப்பட்ட பிரதிகளை fomvacancy@univ.jfn.ac.lk என்ற மின்னஞ்சல் முகவரிக்கும் அனுப்ப வேண்டும்.

விண்ணப்பங்கள் 2026 ஏப்ரல் 30ஆம் திகதி அல்லது அதற்கு முன்னர் கிடைக்குமாறு அனுப்பப்பட வேண்டும்.

பல்கலைக்கழகக் கட்டமைப்பு, அரச திணைக்களங்கள், கூட்டுத்தாபனங்கள் மற்றும் சட்டரீதியான சபைகளில் பணியாற்றும் விண்ணப்பதாரர்கள் தமது விண்ணப்பங்களை உரிய நிறுவனங்களின் தலைவர்கள் ஊடாகச் சமர்ப்பிக்க வேண்டும்.

வாசிக்க முடியாத விண்ணப்பங்கள், முழுமையற்ற விண்ணப்பங்கள் மற்றும் விண்ணப்ப முடிவுத் திகதிக்குப் பின்னர் கிடைக்கும் விண்ணப்பங்கள் எவ்வித அறிவித்தலும் இன்றி நிராகரிக்கப்படும்.

விண்ணப்பிக்கும் பதவியின் பெயர், கடித உறையின் மேல் இடது மூலையில் குறிப்பிடப்பட வேண்டும்.

நேர்முகத் தேர்வுக்கு குறுகிய பட்டியலில் தெரிவுசெய்யப்படும் விண்ணப்பதாரர்கள் மட்டுமே அழைக்கப்படுவர்.